‘‘

’’

Koalicioni i Vëzhguesve Vendorë vëzhgon Zgjedhjet e parakohshme Presidenciale të 25 Majit në Ukrainë!
24/05/2014

NJOFTIM PËR SHTYP

 

Nesër më datë 25 Maj 2014 mbahen Zgjedhjet e parakohshme Presidenciale në Ukrainë, të cilat kanë rëndësi jetike për të ardhmen e demokracisë së saj.


Në mbështetje të këtij procesi si dhe për përmbushjen e vullnetit të lirë të qytetarëve të Ukrainës, përmes një procesi zgjedhor të lirë, të drejtë dhe të ndershëm, 47 aktivistë të Koalicionit të Vëzhguesve Vendorë  janë bërë pjesë e Misionit të Vëzhgimit Ndërkombëtar të ENEMO-s.


Dy prej organizatave drejtuese të Koalicionit të Vëzhguesve Vendore, organizata KRIIK Albania dhe Shoqata për Kulturë Demokratike, si anëtare të Rrjetit Europian të Organizatave Vëzhguese të Zgjedhjeve (ENEMO), bënë të mundur dërgimin e 6 Vëzhguesve Afatgjatë dhe 41 Vëzhguesve Afat-shkurtër, nga 382 vëzhgues të akredituar nën logon e ENEMO-s për zgjedhjet e ditës së nesërme.

 

Zgjedhjet e 25 majit do të monitorohen nga  një numër prej 3305 vëzhguesish nga 20 Organizata Ndërkombëtare si edhe nga 302 vëzhgues të tjerë (individë) nga 19 Vende të Huaja.

 

Misioni i Vëzhgimit të ENEMO-s do të publikojë të nesërmen e Ditës së Zgjedhjeve, Deklaratën Paraprake të Gjetjeve, si dhe brenda dy muajve Raportin Final të Vëzhgimit.


Për të ndjekur informacionet e publikuara nga Misioni i ENEMO-s ndiqni website: http://www.enemo.eu/, si dhe faqen e facebook: https://www.facebook.com/pages/ENEMO-The-European-Network-of-Election-Monitoring-Organizations/430957566960421 .


Lexo të plotë
Nisma për faljen e gjobave përgjatë periudhës elektorale e paplotë, pa vënien përpara përgjegjësisë të shkelësve të ligjit!
18/02/2014

Reforma Administrativo-territoriale dhe Reforma Zgjedhore; domosdoshmëri për një proces konsensual, gjithëpërfshirës dhe transparent!
03/02/2014

“Shoqëria civile dhe Demokracia në Shqipëri; Reforma zgjedhore e plotë dhe gjithëpërfshirëse, domosdoshmëri për një sistem zgjedhor më përfaqësues, të drejtë dhe të qëndrueshëm”
22/11/2013

Raporti Përfundimtar i Vëzhgimit të Zgjedhjeve Parlamentare të 23 Qershorit 2013!
27/09/2013

Prezantimi i raportit final te vezhgimit
25/09/2013


© Koalicioni i Vezhguesve Vendore
Me mbështetjen e Ndihmës Kombëtare për Demokraci (NED) - SHBA
With the support of National Endowment for Democracy (NED) - USA